朝早有動靜：梁定華再搏好運精選

魑魅魍魉

　　梁定華現有16場頭馬，已超越上季成績，反觀主帥都爾暫時只得12W，頭馬比起不少華將還要少，騎者自然希望能多取幾場頭馬。事實上，都爾屬勤奮而低調之騎師，在晨課經常是最遲走的一位，昨朝便見到他與波士梁定華相當好傾，二人更不時展露出燦爛笑容。上次谷戰此路人馬贏馬兼起孖寶，今勻賽前又見這對拍檔滿肚密圈，隨時再接再厲，值得加多留神。

　　今戰華廐只有四駒參戰，以列陣第四場四班1200米的「好運精選」最值得留意，上仗跑1000米直路賽，雖然僅以頭位壓倒亞軍「勁信心」，卻拋甩季軍「可圈可点」四個馬位有多，足證實力非凡。

　　「好運精選」復課後繼續操磨，近期快試走勢更成熟，步伐整齊有勁，火氣持續攀升。今番重配主帥都爾上陣，移師谷中作賽，對手不太強，轉倉馬肯定可拼即拼，力足再下一城。

　　另外，告達理馬房今次只派五駒出戰，賽前亦大舉練兵，昨朝練馬師亦親自替「康樂名駒」、「雪山神駒」等參戰馬出踱，課後更見他在空檔時與卓利、潘頓傾談一番，話題應離不開今次賽事，似有大動作，值得提防。

　　告廐馬之中，首要留意出爭頭場五班1800米的「康樂名駒」，由告達理接手後兩戰兩捷，每仗皆贏得相當輕鬆，證明居五班確佔大利，今番續由合拍的卓利操刀，三連捷在望。

韋柏