朝東飛駒再贏

魑魅魍魉

苗禮德今季已有21場頭馬在手，馬季尚餘個半月，有望超越上季成績。今午沙田賽事苗廐出7駒，除泥地好手「科研精英」值得睇好外，夥拍馬偉昌的「好運得福」與「朝東飛駒」同樣有留意價值。
  

騎練同心


上季苗廐合共取得24場頭馬，目前距離馬季完結尚餘個半月，已有21場頭馬在手的他，超越上季成績指日可待。今午苗廐7駒分量十足，其中以鄉里馬偉昌胯下坐騎尤值看重，翻查資料，馬偉昌近8次策騎苗廐馬跑田草，合共取得2冠1亞2季1殿，成績不俗。
  



第十場「朝東飛駒」上仗在女皇盃日出戰1600米，全程主宰步速前快後勁，最後以個半馬位掟甩「騰雲駕霧」打開勝門，高分自購馬重納正軌，仍留三班再贏無難度。
  
好運得福輕磅出頭


至於第五場苗昌合作的「好運得福」亦愈跑愈近，上仗初配馬偉昌已殺入亞軍，後上姿態悅目，今次再報1800米，憑着輕磅之利，有機會為馬會主席陳祖澤取得頭馬。