|
|
噚日早飛，今晚頭三場大熱門分別係「皇帝旨令」、「超理想」同「紅褲子」，表面上睇嚟冇關係，但其實都係潘頓坐騎，好明顯有大戶一早落定墊底飛捧潘頓呢三駒。其中「皇帝旨令」最值得睇好，因為最近兩仗配韋達都有20倍同7倍，但今期用潘頓居然熱到得26蚊，位置仲要係1.0，可以話孭起頭場成個彩池，加上蘇保羅同潘頓近期合作可謂如魚得水，頻頻出擊得手，小心今鋪熱透食出。
超理想熱得有理
第二場「超理想」雖然老，但係苗禮德同潘頓又係好拍檔，近六匹合作馬取得兩W三P，所以噚日咁熱唔係冇原因。至於「紅褲子」班底高，季內仲喺二班田草入過Q，早飛咁硬淨，小心今晚變身。
第四場「神力金剛」上仗閘前五分鐘由十一倍打到八倍幾，結果末段受阻跑梗頸四，有關人士肯定有損失。今戰抽十一檔形勢麻麻，照計應該冇乜飛，但出奇地係呢場第三熱門，W得63蚊，P就23蚊，好明顯有飛。今晚再配合埋眼罩變動，睇得出有戰意，小心半冷補中，本利歸還呀。
小注潘頓扒冷
騎師王方面，柏寶得十幾蚊買唔落手，既然鍾意潘頓頭三場有飛馬，其他場次佢嘅「奪寶群英」、「天下兵器」同「追月」都有分量，有廿幾倍點解唔扒吓冷呢。
周仲 |
|
金睛卡
发表于 2010-4-28 07:27
变色卡
显身卡