來福力度貫注

魑魅魍魉

　　蔡約翰馬房近期頻頻有頭馬進帳，今日沙田之戰蔡廐又擺出強陣，加上大賽日子鬥志特別高昂，其中以「來福」與「盈彩繽紛」兩駒最具分量，可望為倉主爭取好成績。

　　列陣第三場四班1200米的「來福」，早前兩度角逐谷草1200米，均在郭爾達胯下跑入季軍，反映已屆取勝邊緣，剛戰移師沙田出戰草地1200米，韋達取回上陣，雖然排不利之大外檔起步，要沿途走外叠蝕位，但仍能後上贏馬，且拋離亞軍「龍得風雲」近三個馬位打開勝門，可見質素超群。

　　贏馬後「來福」被加八分，仍可能留在四班作賽，形勢相當有利。復課後此駒勇況更盛，埋門內圈踱步力度貫注。今回再戰勝途田草1200米，韋達仍不
放手，雖然要負重磅上陣，但對這匹體型龐大之馬而言並冇大影響，要再贏冇難度。

　　至於出爭第五場二班1200米的「盈彩繽紛」，季內四戰未逢敵手，上仗轉戰泥地1200米，雖然欠缺場地經驗，且要負132磅上陣，但最終仍大勝對手三個多馬位，反映質素確高。復課以來，此駒以內圈踱步為主，目的是保留足夠體力在陣上拼搏，今仗回爭強項田草1200米，配搭完整，有力取得五連捷。

家明