高清睇跑馬：勁辣椒上仗犀利

魑魅魍魉

　　今季總場次487田草四班1200米，「勁辣椒」季初曾快放入Q，可惜之後前速似已減慢，故此該仗加眼罩上陣，結果效用顯著，出閘後稍推騎即突圍而出，最後貫注到尾拼入季軍﹔雖然這場條件限制賽，頭馬時間不算出色，但「莎朗之寶」早段搏命搶放，第二段更快至廿二秒五，較同日另一組四班賽事快十五線，跟三班的一組亦快九線，在快步速下，貼欄領放的「勁辣椒」末段仍未腳軟，相對「莎朗之寶」卻一早力弱並大敗十三個馬位，可見「勁辣椒」輸三個馬位已有交代，這次轉爭谷草更利前領馬發揮，大有機會收復失地。

滙名燈擺明超班

　　另外，今季總場次500谷草三班1200米，「滙名燈」曾勝同程兼排內檔，結果以大熱身分順利得手，但過程卻相當驚險﹔本來排一檔形勢大好，尤其出閘夠快，之後拖番落第三位，全程有「跑得叻」在前，既有遮擋又可慳位，誰不知入直路後「跑得叻」走出二叠，杜利萊便策「滙名燈」走入內檔追上，豈料「跑得叻」突然又走入內叠，結果「滙名燈」前無去路，逼不得已再拉出外叠追趕，一出一入至低限度已蝕了個幾馬位。

　　幸好「滙名燈」本身鬥心極強，終點前以凌厲後勁險勝「御將軍」，盡顯超班實力。今晚易配湯智傑有三磅可減，排三檔早段亦能於內叠慳位，形勢有利力足穩位望贏。

Sam