天主教大學 火猛拔頭籌

猪拉多纳

智甲附加賽決賽首回合，聖馬高斯主場鬥天主教大學。聖馬高斯今季主場成績唔算好，而且上圈淘汰卡拉雷聯表現亦冇說服力，整體演出較平穩嘅天主教大學有多一日時間休息，作客讓平半照捧上盤。

（周一凌晨3時開賽）

決賽勝方將可獲得嚟緊南美球會盃嘅參賽資格，天主教大學喺秋季聯賽十七戰入四十球，係入波最多嘅智甲球隊，上一圈佢哋以總比數五比三淘汰奧希金斯，盡顯強大火力，陣中除有前利物浦球員麥克干沙利斯具威脅，中場米高里奧斯亦盛傳受到多間歐洲球會垂青，質素有番咁上下，攻擊力不容小覷。
聖馬高斯主場冇威力

聖馬高斯喺秋季聯賽踢咗八場主場只係贏得一場咁大把，而且上圈主客兩回合對住卡拉雷聯都贏唔到，最後要靠互射十二碼才取得決賽資格，晉級冇咩說服力，今次主場出擊都唔值得睇好，就算受讓都咪掂。