精彩加程贏馬捧盃

不死鸟

早前苗?馬經常跑第二名，真係相當無運，就連苗太都向密探大吐苦水，不過苦盡甘來，近期苗禮德搏馬得心應手，剛戰更憑「虎虎生輝」勝出新馬短途錦標，呢位南非籍練者都唔知幾開心。事實上，「虎虎生輝」自從戴上開縫眼罩後，馬匹表現脫胎換骨，可見苗禮德用配備呢招非常有心得，而今次列陣第8場香港馬主協會錦標的「精彩」，前仗戴上眼罩後，近兩戰都可上名，今次增程跑1600米，更值得留意。
「精彩」自從前仗初戴眼罩後，即在田草3班1200米得亞軍，跟手上場升班增程跑2班1400米，馬匹亦能爭入一席季軍，表現穩定，亦反映馬匹戴上眼罩後，走勢明顯大有改善。今次此駒再增程跑2班1600米，以其剛戰的強橫後勁而言，一哩必更合發揮，是次更用上見習生梁家俊減7磅，對發揮上一定更好。至於梁家俊剛戰憑「雄心馬主」為苗禮德建功，賽後呢位練者大讚這位小將，既然是次二人又有牌面馬合作，且看俊仔醒唔醒目，在煞科一戰再為苗禮德建功。