博國米組記角球多

猪拉多纳

「空中大戰」4翼鬥出波

意甲今晚爆發史上第222次「國家打吡」，由國米喺聖西路恭候祖雲達斯。「斑馬兵團」前鋒胡仙歷雖然趕及傷愈，但預計會先做後備，新兵洛蘭迪好可能擔正攻堅，既然要出動「轟炸機」衝鋒陷陣，兩翼側擊肯定唔會少。撞啱對家國米新帥馬沙利又係鍾意玩翼衞戰術，4隻翼猛咁沉底出波角球相信會多，中位數11.5球嘅2.05倍角球大博得過！

（開賽時間：周日凌晨0:00）
保羅普巴搏殺爭金童獎

《米蘭體育報》賽前大字標題以「空中大戰」嚟形容呢場重量級打吡，比較兩隊國腳喺過去兩輪世盃外嘅「飛行里數」，祖記國腳輕輕飛少國米班球員5公里，但其實都冇乜着數。《都靈體育報》又報道話祖記法國中場保羅普巴入選歐洲金童獎最後5強，要同利物浦嘅菲臘比古天奴、史浩克04中場達斯拿、皇馬中堅華拉尼及曼聯翼鋒韋費特沙夏爭獎，今晚保羅普巴梗會落力顯身價造勢。

祖記實力同氣勢都秤先，就算作客睇怕攻勢一樣多，雖然胡仙歷喺世盃外撞傷左膝先任後備，但有「長人」洛蘭迪擔正夥拍泰維斯攻堅，配合一對飛翼列治史迪拿、卡華禾艾沙姆喺兩邊出波火力勁爆，呢支上季意甲「角球王」（場均獲得6.39個）今鋪角球唔慌少！

同祖記一樣開季兩連勝嘅國米，新季雖然靠單箭頭柏拉斯奧攻堅，但查實一對翼衞長友佑都同莊拿芬施些路都孭好重飛，開季兩戰都沿住邊路係咁快放，當中長友佑都仲已經有兩球進帳，馬沙利嘅陣式攻起上嚟十足十三叉戟，既然雙方玩側擊都咁耍家，吼角球大最划算！
雙方角球統計

國際米蘭今季場均角球次數10.5個

祖雲達斯今季場均角球次數11.5個