狼隊撲殺華素爾

猪拉多纳

人腳超班有餘力爭盃仔

狼隊英甲超晒班，有餘力爭盃仔！英格蘭錦標賽第1圈賽事，狼隊主場鬥同級嘅華素爾，主隊人腳超勁，雖預料奇雲杜里、大衞艾華斯等主力都將被收起，但奧哈拉、巴卡利沙高同安東尼科迪都會落場殺敵，華素爾英聯盃輸畀史篤城回唔切氣，熱捧1.58倍主Ｗ！

（周三凌晨2時45分開賽）

狼隊今季羞家跌落甲組，但意外地留到唔少星級球員，班波條脊骨仲喺度，有利爭取升班。佢哋聯賽開咧取得4勝1和，目前係英甲做緊2哥，有力分心搶吓盃仔。英格蘭聯賽錦標賽係由英甲同英乙48支球隊角逐，講榮譽當然唔係啲咩大盃，但係狼隊目前最欠缺嘅就係信心，球隊需要不斷贏波，以證明隊波仲係掂；係聯賽有理想表現下，有理由相信狼隊會搏埋英錦標。
華軍連敗回唔切氣

預料狼隊領隊積奇治今仗會收起利治格菲斯、奇雲杜里等主力，不過因為隊波人腳太勁，半力出擊已經夠殺。相反華素爾於英聯盃畀史篤城淘汰後，上周六聯賽主場又輸，班波明顯未回得切氣，捧主Ｗ啱數。

另一場英錦標基寧咸主場對奧連特，後者喺英甲全勝Sharp醒排榜首，但唔代表會全力砌盃賽仔，依家捧場怕追寶尾，要讓波寧捧番主隊。而賓福特主場戰AFC溫布頓，賓軍英聯盃吞打比郡5蛋，搵人出氣必喪攻，捧大。