上仗開齋信心爆棚 切爾達4倍讓主抵玩

猪拉多纳

今晚西甲頭輪，由切爾達喺主場迎戰CF格蘭納達。切爾達上星期作客以2:1擊敗戰鬥力唔弱嘅貝迪斯，成功打開今季勝門，家陣成班波信心爆棚，返到主場球迷面前又點會唔加多兩錢肉緊，爭取2連勝先？切爾達個4倍「讓球主勝」值得一博o架！（開賽時間：周日凌晨1:00）

切爾達今季由踢過巴塞隆拿嘅名將安歷基執教，風格比上季進取咗好多。係，雖然呢班波季前熱身賽嘅表現唔多理想，但經過一段磨合期後，切爾達近排嘅演出已經愈嚟愈好，近2仗更攻入4球，一班中前場球員好似丹麥國腳高恩迪利、查里斯同洛尼圖嘅狀態都唔錯，鋒力當然夠晒保證啦！
格蘭納達齋靠艾亞比數胡

防線方面，切爾達雖然有中場隊長奧賓拿上星期做咗「紅牌阿姑」，今晚要「坐波監」，不過近2仗屢救險球嘅門將約艾洛迪古斯弗到漏，有佢把關，相信班守將壓力都會細啲，要頂住CF格蘭納達嘅進攻？唔難囉！

作客嘅CF格蘭納達家陣2戰1勝1負得3分，論表現只係中規中矩，先係作客以2:1贏狀態奇差嘅奧沙辛拿，上星期對住未上力嘅皇馬就全場畀人撳住嚟砌，輸0:1只係好彩，唯一有態嘅係艾亞比，只可惜呢位法國射手唔係嗰種可以一己之力扭轉局勢嘅球員，今鋪作客切爾達，CF格蘭納達都幾牙煙咯。