祖記「瘟神」救世再炒拉素

猪拉多纳

「瘟神」救世！今晚意甲重頭戲有衞冕冠軍祖雲達斯喺主場迎戰拉素，「斑馬兵團」今夏以超抵價買入嘅「曼城瘟神」泰維斯，嚟到意大利即刻搖身一變成為救世主，今晚有望重演意超盃嘅大屠殺大炒拉素，一於直取1.92倍「讓主」啦！（開賽時間：周日凌晨2:45）

喺曼城曾多次鬧轉會、罷踢嘅「泰仔」以超低價錢轉投祖雲達斯，唔少球迷都覺得呢單交易超值，睇番「斑馬兵團」開季嘅戰績亦都證明咗呢點，呢位阿根廷前鋒意超盃同開咧戰都各入1球，證明佢已經成為球隊嘅進攻核心！
干地不敗率僅次哥帥

「野獸」自爆踢得咁掂，全因佢識得改變自己嚟融入隊波，所以咪同班隊友咁快就夾得咁好囉！加埋保羅普巴同胡仙歷呢班高質素嘅隊友，返到主場肯定開火狂轟意超盃嘅手下敗將拉素啦！

值得一提係，祖記教練干地係近年教頭中嘅「次席不敗男」，領軍賽事得9%輸波，僅次巴塞隆拿時代嘅哥迪奧拿（8.5%落敗），出色教練加埋兵力雄厚，唔怪得今季嘅祖雲達斯被意大利傳媒視為聯賽嘅Strafavoriti（超級大熱門）啦！拉素主力射手高路斯始終年事已高，今季無論係國際賽同埋球會賽事，暫時都未發揮到水準，而且中場鴨都拉干高同埋菲臘安達臣未出得，對住祖記睇怕冇咩好下場喇！