蘇斯達翻嗒「嫩口」里昂

猪拉多纳

去到大賽場合，經驗往往成為勝負關鍵！歐聯附加賽西甲皇家蘇斯達主場對法甲里昂，里昂雖然開季成績理想，但陣中太多生牯仔，早前首回合畀蘇斯達打到落多流水輸0比2，次回合作客落後2粒肯定更急，蘇斯達可望贏多鋪！

（有線64及203台周四凌晨2時45分直播）
里昂得哥古夫撐場

里昂正處子重組階段，因為莫財關係，球隊逼住行「青春路線」，兩大前鋒利辛度盧比斯同巴菲迪比高美斯，前者被賣到艾加拉法，一個就冇上陣機會。睇番球隊中前場，只有哥古夫一個「大佬級」球員撐住，遇到真正強勁對手，就好易露餡。首回合雖有主場之利，但17分鐘就先失一粒，成班年輕球員就頭耷耷，完全畀蘇斯達控制大局再失一粒，輸0比2已經算少。

里昂開季4連勝後突遭打擊，上仗法甲主場對蘭斯都輸波，後生仔被打窒條氣好擇使。相反蘇斯達大致保留上季人腳，雖然有唔少傷兵，不過新將施費洛域同格尼路好使好用，「矮仔前鋒」卡路士韋拿更大熟大勇頻頻入波，今場次回合乘對手急於進攻，又可大打耍家嘅突擊，贏多場冇難度。