史雲斯 比杜路爾夾手做「大」騷

猪拉多纳

喺英超開咧戰大敗嘅史雲斯今晚再度主場出擊，喺歐霸盃附加賽首回合迎戰羅馬尼亞球隊比杜路爾，「天鵝」目前正急需一場勝仗重振士氣，肯定全力搏殺，但近8戰不敗嘅客軍亦非善類，兩軍有望合演入球騷，一於捧1.72倍入球大。（開賽時間：周五凌晨2:05）
羅馬尼亞勁旅8戰不敗

史雲斯喺上周末英超首戰，居然喺一貫水準穩定嘅主場遭紅魔大炒，連隊長艾殊利威廉斯都承認士氣受挫！不過好似前鋒米捷話齋，家陣係時候集中精神踢歐霸盃，小妹都相信佢哋可以及時收拾心情應戰，畢竟比杜路爾陣中冇尹佩斯呢類「屈機」球員，憑史雲斯嘅韋菲特邦尼、舒維爾呢啲攻擊手，要恢復季前賽5場勁數21球嘅強勢，入番對手幾粒照計冇問題。

不過比杜路爾亦絕對唔係咩魚腩部隊，佢哋近8戰無論喺聯賽定歐霸盃都未輸過，當中更只得1場冇波入，射手哥羅沙夫踢咗4場已經貢獻5個入球，佢拍檔咸沙尤尼斯亦有2球進帳，就算輸波都有力入番史雲斯1、2粒，齊齊搞個入球大騷o架！