新特蘭殘陣醒富咸

猪拉多纳

「黑貓」於「狂人」麾下新季第一擊，主場未必咬得入富咸！迪肯尼奧上季帶領新特蘭護級成功，今夏雖買入11個球員，但於史提芬費查缺陣下，攻力並冇改善。富咸以不變應萬變，加上連續4季開咧戰不敗，受讓好路！（now 622周六晚10時直播）

毫無疑問，迪肯尼奧非常具感染力，相信有助「黑貓」眾將團結性。但新特蘭因級數所限，加上又莫財，新將只有基亞卓尼利較具卡士。主力如巴士利、布朗、格力加特拿等肯定缺陣，悍將卡達莫又九成唔出得，最傷係史提芬費查繼續倦勤，只能靠施斯隆、域咸等攻堅，新季初段相信又會好似上季尾咁，因攻力不濟周時開出細盤。

富咸守勢波頂得住

富咸陣中無傷無病，貝碧托夫可以上陣，加上借得阿士東維拉前鋒戴倫賓特同昆士柏流浪中場泰拉拔，富咸極具攻擊性。今仗雖然作客，亦唔赦新特蘭，「讓球客勝」好路到爆。