邊緣國腳搏老命 「西瓜大戰」撐客勝

猪拉多纳

今晚除咗有葡萄牙對荷蘭、意大利對阿根廷呢啲名牌國家隊對碰外，咪忘記仲有（三）25西班牙作客厄瓜多爾呢場波。「狂牛軍團」陣中雖然冇咗中場沙維、中堅碧基等主力，但起用一班邊緣國腳應戰反而增加雷法爾對佢哋嘅信心，1.57倍客勝要支持。

競賽會撼拉魯斯吼和
難得西班牙主帥迪保斯基冇選部分主力入伍，反而重召射手尼格度同洛蘭迪，加上一班有實力嘅潛質小將好似翼鋒基斯甸泰路、中場艾斯高、堤亞高艾簡達拿等人，佢哋落到場肯定搏老命，增加自己下年踢世界盃嘅機會。厄瓜多爾前鋒賓尼達斯早前因病去世，球員心情至今尚未平復，況且中場路爾斯華倫西亞同謝法臣蒙迪路缺陣，得番前鋒卡些度一個叫有啲威脅，好難擋得住有心有力嘅西班牙。

聽朝另一場南美球會盃第2圈首回合賽事（三）32競賽會主場對拉魯斯，競賽會中場缺人，拉魯斯新兵仲未完全融入球隊，兩隊各有隱憂，唔似可以穩勝對手。睇番兩軍對上6次喺競賽會主場交手就打和4次，2.75倍和局不妨追多次！