史浩克鋒力勁食「大」漢堡

猪拉多纳

德國開季首周嘅壓軸大戰，由上季四強分子史浩克04主場迎戰漢堡，今場亦係兩位荷蘭球星亨特拉爾同雲達華治嘅大戰，呢兩位踢法瀟灑嘅天才球員已經證明佢哋係德甲頂尖球星，史浩克04同漢堡喺兩人帶領下都係以進攻為主，而且兩軍今夏都重整鋒線，第一擊梗係要騷下改革成效，今場幾大都要支持「入球大」呀！

（有線61、64、201及203周日晚11:30直播）

史浩克04上季一度成績大跌，但最後有第4名算係唔錯，教練基拿最終都可以保住個帥印，佢亦幫球隊重整，除咗同亨特拉爾及達斯拿續約外，又以800萬歐元簽入緬恩斯射手施沙拉爾，呢三位球星將主宰史浩克04進攻命脈，可預期史浩克04今季會以進攻足球為重心。相比下漢堡組軍相當淡靜，繼續以雲達華治作核心，加上教練芬克喺巴素利簽埋舊部蘇亞，呢位喀麥隆前鋒將為漢堡注入更多攻擊力，球迷等睇「大」騷。

頂占筍盤：史浩克04（入球大）