波圖爭盃打鑊「甘」

猪拉多纳

葡萄牙超級盃可以話係波圖嘅天下，事關超過一半嘅冠軍獎盃都由佢哋攞走，呢支葡萄牙勁旅一共贏過19次冠軍，比起賓菲加同士砵亭加埋嘅11次仲要多。佢哋今晚同實力麻麻嘅甘馬雷斯爭標，1.65倍「讓球主勝」要捧。（有線155周日凌晨3:45直播）

雖然波圖將中場摩天奴、占士洛迪古斯賣畀摩納哥，不過射手積臣馬天尼斯、中場迪科亞、守將文加拉等三線主力猶在，球隊又補入昆特路、靴里拉等潛質優厚嘅小將，實力依然有保證。而且佢哋近7場熱身賽贏6場，手下敗將包括拿玻里、馬賽等球隊，一眾球員狀態已經操起，今場要贏多過一球唔難。

對手甘馬雷斯實力一般，上季只係喺聯賽中游徘徊，球會又放走一對主力射手艾美度巴爾迪同蘇丹尼，只係補入尼日爾前鋒馬素，實在好難畀到人信心。上季2次交手，波圖2次都派足4隻蛋畀甘馬雷斯，就算今場派少一半，撐「讓球主勝」都有錢落袋！

葡超盃賽制
如法定時間內打和，將以互射12碼決勝。