史雲斯新兵對辦打爆馬模

猪拉多纳

歐霸新丁史雲斯喺第3圈首回合打響頭炮，力數對手馬模4蛋，但小妹相信呢隻「天鵝」今晚去到次回合作客亦唔會「Hea踢」，力求贏波安全晉級，以佢哋嘅鬥志加實力，絕對有力開出2倍客W！

（開賽時間：周五凌晨1:45）

史雲斯自前季升上英超後就不斷為球迷帶嚟驚喜，相信今季喺歐洲賽會有一番作為！「天鵝」今夏新簽入嘅攻擊手韋菲特邦尼同埋舒維爾，喺首回合表現都非常對辦，前者更攻入1粒，由愛斯賓奴引入嘅西班牙U21中堅佐迪阿馬特更係獲領隊米高盧特立大讚，要靠實力贏埋次回合根本唔難。
安祖蘭基講明唔Hea踢

雖然馬模近4次主場全勝、只失1球嘅戰績頗為搶眼，不過佢哋嘅對手多數係瑞超球隊，實力普遍唔強，首回合作客史雲斯亦都證明咗兩軍實力有幾懸殊。最緊要嘅係史雲斯後衞安祖蘭基講明，佢同班隊友都唔會因為首回合大勝就「放水」，擺明要贏多一鑊，要延續近6戰全勝、喪入25球嘅紀錄，又點會有問題先？
首回合：馬模輸0:4