保地花高解決欠薪值捧

猪拉多纳

玩完歐洲波，聽朝當然又係南美波世界，南球盃始終太多不明物體，唔係出擊好時機，力奇反而睇中場巴甲保地花高對維多利亞，力求喺新馬拉簡拿球場取得首勝嘅主隊，加上快將解決欠薪問題，士氣好轉，要大勝開出2.25倍「讓主」應該易如反掌。

（開賽時間：周五早上6:30）

保地花高除咗喺自己嘅夏維蘭治奧林匹克體育場比賽之外，但凡有較為重要嘅主場賽事，佢哋同富明尼斯、法林明高及華斯高都會移師去馬拉簡拿球場舉行。呢個球場早前因為迎接出年世盃重建，到6月洲際盃先重開，上輪佢哋係首次喺度比賽，掛名作客法林明高，點知就臨尾香畀對手逼和1:1，兼失去榜首位置，今鋪「主場」出擊，求開齋決心勁爆，加上困擾兩個月嘅欠薪問題，日前獲會長承諾解決，士氣大幅提升，對住有中堅域陀拉莫斯停賽嘅維多利亞，大勝可期啦！