不死鳥新星落「櫪」報恩

猪拉多纳

櫪木SC今日喺日乙主場對京都不死鳥，受讓都博唔過。今場係不死鳥19歲前鋒久保裕也離隊轉會年青人前，最後1場日乙賽事，相信久保會搏到盡，報答球會成全佢外流嘅夢想，作客讓平半照捧上盤！

（開賽時間：周六下午5:00）

雖然不死鳥落後第2位嘅神戶勝利船7分，冇咩把握爭直接升班資格，但佢哋好大機會踢升班附加賽，但會方都肯放走久保裕也，完全係為咗成全呢位新星，確實係幾偉大，今季已有7個聯賽士哥嘅久保當然要交功課，當係報恩啦！
櫪木3大中場同時缺陣

係，雖然不死鳥有後衞染谷悠太停賽，但中場沙路踢完國際賽歸隊，戰鬥力一樣有保證，何況佢哋呢兩日狂練４-3-3攻擊陣式，仲話到明要喺上半場就開紀錄添，認真夠殺氣。

另邊廂嘅櫪木，除咗有高木和正同保連奴養傷，仲有菊岡拓朗停賽，3件指揮官同時缺陣，中場根本唔夠人用，而且櫪木近5場得1勝3和1負，走勢明顯轉差，只要久保裕也肯踩油，不死鳥就有運行。