科隆大戶至愛

猪拉多纳

19/11/2011
文： SAMVO肥叔

國際賽檔期結束後，聯賽馬上火速回歸，各地賽事鬥到如火如荼，歐聯又即將重開，部分名牌球隊提前出線，已經唔使留力，唔好亂咁反！賭波最緊要夠勤力，只要留意每場賽事形勢，細心做多啲功課，總會搵到好嘢。




講番今次重心推介，德甲中游球隊科隆愈戰愈勇，主場對緬恩斯贏得！科隆近期狀態大勇，於主場搏殺頻頻得手，成為唔少大戶愛隊。不過，呢班波本身名氣唔大，雖然近績標青，但仍然不時有筍盤，今次主場出擊對住緬恩斯，目前大部分莊家開緊平手盤，只係操盤手慣性做法，唔好因為超筍盤諗得太多，可以放心捧科隆！




（周六晚10時30分開賽）


史篤城門口狗唔怕捧


同日有場英超要留意，史篤城主場對昆士柏流浪，捧主隊！史篤城今季兼顧歐洲賽，戰績稍有下滑，而且一再大敗，但有一點要留意，球隊主要係作客成績差，主場表現仍然keep到，呢班波主場惡氣十足，經過短暫低潮後，正好有個國際賽檔期過冷河，今次對住昆士柏流浪讓半一，盤口硬淨，要上盤。




（有線202及302台周六晚11時直播）




另外，意甲費倫天拿主場對AC米蘭，AC近期顯著回勇，呢隊波始終有分量，只要踢出水準，費倫絕對唔係佢哋嘅手腳，現時作客讓平半至半球，個盤似層層，值得留意。

肥叔心水

諾域治 下盤

科隆 平手盤

紐卡素 下盤、大盤

史篤城 上盤

拜仁慕尼黑 大盤

AC米蘭 上盤

拉素 下盤

皇家馬德里 上盤