|
|
2011年對白德民嚟講，真係唔多順暢，元旦賽頭威頭勢，7駒上陣竟然捧蛋收場，仲要整到下體痛。
啱啱谷草賽事，又整多兩隻畀客仔歎⋯⋯息，「高歡」大熱W跑梗頸四，「私家路」成為次熱門，命運一樣，都係跑第四名。一連兩期賽事， 孭完一鑊又一鑊， 會唔會延續到今期，唔好啩！再係咁，災難啦。
坐騎夠分量
雖然，今期白德民出馬唔算多，一共5匹坐騎，但幾隻都預咗會多飛，第五場唔騎boss大摩馬房嘅馬，畀面再騎文廐「真係寶」，點會唔熱。
第七場「皇帝旨令」贏完再贏，隔夜已經熱到辣手， 仲有第八場「飛闖」及第十場「軍事行動」， 對上1場唔係贏就係上名，點會唔惹飛。
如果咁唔好彩，上述幾駒冇隻贏到，客仔都會幾甘！為公為私，騎者實會「的」起心。話實嘞，「皇帝旨令」及「軍事行動」幾啱心水，前駒仍在三班着數，後駒初出上名，堂堂新西蘭打吡冠軍，級數嚇親人，呢對馬應該會幫到騎者走出陰霾。
Jack |
|
金睛卡
发表于 2011-1-9 12:47
变色卡
显身卡