葉楚航出椒擺脫二奶命

港陌

葉楚航今季冇咩搏馬運，啱啱上個禮拜三，又有三隻飲恨亞軍，喺尋日之前夾夾埋埋攞咗十一場第二，認真慘情。好彩，尋日航哥終於擺脫二奶命，喺頭場五班1200米靠周錦泉隻「好辣椒」打破悶局，航哥賽後自然開心到見牙唔見眼！
       

「好辣椒」自從大前季勝出新馬賽之後一路冇再贏過，卒之落到五班先至再嘗頭馬滋味，葉楚航賽後話，「好辣椒」之前因為腳部受傷，搞到蹉跎歲月啫，他說：「『好辣椒』後腳腳骨曾經裂過，情況都幾嚴重，梗係影響進度。好在依家健康好咗，今次又有啲新鮮感，喺最低班次建功都好合理。以呢隻馬嘅質素，只要健康無事，升番上四班都可以應付。」