|
|
跑馬呢家嘢，又有冇主客場之分？以前其實冇分得咁開，但依家就愈來愈明顯嘞，雖然冇話好似簽咗合同咁，一定係某幾個練馬師喺田草或谷草最掂，但有時睇番賽果才恍然大悟：「嗱，係咪呀 ！ 阿邊個邊個又喺主場爆紅啦！」所以，與其後知後覺，得個恨字，倒不如行動最實際，希望洞察到先機，撈到油水。
今期方嘉柏8駒上陣，各廐出馬佢最多，咁叠馬冇理由又好似前一期咁靜啩？！再講，今季4期谷草賽事，佢有3期有馬贏，仲要試過兩期3W，已經累積7場頭馬，攻勢咁堅，唔信佢，仲信邊個好 ！ 唔通搵啲近期喺谷草唔開飯嘅馬房咩，刻意走小路，多餘！
方家軍咁多隻之中，「新意思」、「鎖定目標」及「聖河」最啱咀形，前駒跑咗兩場，細路仔搞唔掂，用番潘頓兼轉配件，有手影；「鎖定目標」贏開唔使點講，同埋加磅有限，仍有本錢；「聖河」上場走位錯到極，肯換人及轉場地，有冷味。
Jack |
|
金睛卡
发表于 2010-10-13 18:37
变色卡
显身卡