賠率有路捉：飛魚駿王票勁復仇

魑魅魍魉

　　第二場四班1200米，出賽馬只得九隻，但噚日早飛卻有玄機，大熱門落喺新勝馬「家橋」身上，29蚊W，肯定冇人異議，但奇就奇在「飛魚駿王」居然係52蚊次熱門，24蚊P。

　　呢隻馬上季尾嗰三場都有飛，結果演出都係一般，其後仲由姚本輝轉咗去伍碧權度，照計上季尾演出差，又轉去細倉，嗰批捧場客應該心淡至啱，但噚日仍然係咁惹飛，好肯定仲有一小撮人非常睇好。

　　今晚「飛魚駿王」換馬房愛將潘頓上去，騎練啱啱贏出匹「天外之天」，合作有默契，小心今鋪俾佢復仇成功呀。

　　第七場大摩「海王子」又係熱得過分，同場有「威威財星」及「一路奇兵」喺度，何德何能WP大熱，W得55蚊，P18蚊。不過此駒今仗換上馬房愛將勞愛德，騎練兩人上名率幾高，小心今場「海王子」飛到馬又到。

騎師王博馬偉昌

　　騎師王方面，何澤堯騎足八場，但始終係牌仔，且坐騎實力唔係一面倒惡晒，熱門制唔過，相反馬偉昌雖然只得四駒，但「超勝」、「齊鼓掌」、「睡得好」及「戰士」均有分量，半冷點解唔買番些少呢。     

周仲