馬網縱橫：憧憬可愛人生

魑魅魍魉

　　天文台預測今日大致多雲及有驟雨，初時有狂風雷暴。若然賽事在天雨下進行，出爭第四場四班一哩的「可愛人生」，其爭勝機會肯定大大提高。此駒來港前在澳洲兩戰得冠亞各一，並且均是跑大爛地，而上季九戰唯一上名一役，亦是在同班同程的好黏地上角逐，足證是匹「游水馬」，臨場必有分頭宜留意。

　　配腳先揀「永得勝」，上季持續大勇之餘，谷草一哩亦特別拿手，既然上季曾在好黏地放入Q腳，有運抽二檔三甲穩。「福到財星」上季尾同程擊敗實力指標「雪山神駒」，繼續由潘頓主轡，排好位要拖。「卡加小子」唞夠上陣常有神來之筆，排一檔利跟前要吼。

　　外國馬圈方面，上周日在隆尚舉行的2400米一級賽紅寶錦標，施素爾訓練的大熱門Midday順利報捷，第二名是費伯華馬房、柏兆雷策騎的 Plumania，季軍是羅迪普訓練的Sarafina。Midday早前已勝出約克橡樹及蘭秀錦標兩項一級賽，如無意外下一站將是力爭蟬聯育馬者盃雌馬大賽。至於上周日隆尚馬場其餘兩場2400米二級賽，尼爾錦標及福伊錦標分別由Behkabad及「鄧肯」勝出。

佐治