|
|
開鑼日已睇淡韋達坐騎的機會，勢估唔到跑10場得兩場位置，所以話，冠軍騎師又如何，坐騎及形勢一唔夾，識飛都冇用，一樣要捧蛋。而呢期佢又出足8場，堂堂10屆冠軍，如果一連兩期都冇頭馬進帳，何止面目無光，直情有失身分，所以，預期今次唔應該再食白果，不過，未必會大翻身，可能係1W埋單嗰種境況。
講到呢期谷草首回合，看來華人馬房係繼續強勢，外籍馬房要抵抗唔易，其中以何良及石哥，呢兩個倉口最有影響力，單講此兩個馬房，幾乎場場有馬出，就知對今賽何等睇重。而何廐首日成績唔算特別出色，以當日籌碼攞唔到兩W係唔及格，但卻顯示到呢個馬房季前大手準備，的確係想在季初先作出第一輪攻勢。今期一眾何家軍，評分有利又夠弗嘅「福喜」，料是出擊之馬。
至於石哥，第一期已經有個好開始，好難出頭嘅「愛拼者贏」亦掂，真係抵讚。望到今賽佢嘅陣營，8匹馬分布7場，咁叠馬冇理由唔郁手，此中以路程專才「創新高」呼聲最高，因為出得王牌，而上周日「愛拼者贏」正正係有牌在手，直接顯示到此馬在練者心目中地位。
Jack |
|
金睛卡
发表于 2010-9-8 11:05
变色卡
显身卡