|
|
在股票市場， 或者匯巿，止賺嘅重要性，其實等同止蝕，除非你係股神巴菲特，或者有本事得悉高位何在， 如果唔係， 高處未算高，今日你10蚊賣貨，以為係歷史最高位， 滿心歡喜， 點知聽日爆到上12蚊，追？唔追？內心鬥爭每秒至少幾百次。
套用在賽馬活動，上述意識形態同樣會發生，今日「阿甲」帶1000蚊入場，頭場獲利2000蚊，咦，呢次仲唔係有運行！實行同馬會搏過，結局是福是禍？後者居多吧。
唔係筆者悲觀，又或者潑冷水，有番若干「馬齡」的馬友，一定經過此種心路歷程，會唔會睇得開，真係賴以各人的造化，以及心理質素，或許有人窮一生精力都係唔化，20歲入場係拼命三郎，60歲嘞，仍有一顆不變心！
「阿甲」的下場其實係好多馬友的縮影（如果你哋唔係，真係恭喜晒），每期賽事會有幾多馬友自編自導自演，人數唔慌少，而我們如何擺脫「阿甲」的魔掌，心理質素囉！
咪比馬會屈機
唔係得騎師先至需要擁有良好的心理質素，去幫助他們陣上發揮。我哋冇份落場嘅，咪一樣要平衡心理質素來控制思路和行動。遍地黃金又如何，係執唔晒就係執唔晒！
該期投注一旦有盈餘，利潤要再翻一番嗎？點解咁做？不妨諗清楚。事實上，一季咁長，有成83期賽事（仲未計越洋賽事），何解要急於一期，唔通硬係要畀馬會屈機咩！ |
|
金睛卡
发表于 2010-8-9 16:50
变色卡
显身卡