吳定強救番魅力影子

魑魅魍魉

踏入季尾嘅五班賽，有唔少低過廿分淘汰線嘅馬紛紛開齋逃出生天。繼早排「沙田寶」同「聚豪駿駒」後，尋日又有一隻低分馬建功，就係賽前得番11分嘅吳廐馬「魅力影子」。呢隻六歲馬今鋪縮程跑田草千四兼搵埋見習生梁家偉減十磅，結果喺直路左穿右插之下以頭位之先擊敗「幸運來」打開勝門，成功逃出生天。
       
魅力影子蝕磅贏馬，將會加夠分逃出生天。
近8日7 次有馬贏

賽後吳定強開心到不得了，佢話佢自己都解釋唔到點解「魅力影子」今次突然變得咁犀利，蝕九磅仍然追過四班落嚟嘅「幸運來」，無論如何，救得番當然興奮。之前連贏六日嘅強哥，上鋪斷咗纜之後，尋日又成功駁纜，睇嚟季尾一定要吼實強哥嘞。