王志偉贏聚豪駿駒

魑魅魍魉

昨日賽事舉行期間風大雨大，情況甚為兇險，第三場跑到最後直路，策騎「鉅業光輝」嘅王志偉就不慎墮馬，好彩呢位季尾愈戰愈勇嘅華將並無受傷，堅持繼續上陣，第四場隨即夥拍「聚豪駿駒」贏番場，為呢匹處女馬打破悶局之餘，更會加番足夠分數下季留低，認真大難不死必有後福！
       
聚豪駿駒在王志偉胯下打開勝利之門。
下季有得留低

至於訓練「聚豪駿駒」嘅鄭俊偉賽後梗係開心啦，佢話自己一向好鍾意呢匹馬，絕對唔信要淘汰咁失禮，結果今場情緒改善，終於贏番場，佢話隻馬漸有進步，下季相信會有更佳前景。
       

第四場李易達旗下九歲老馬「荊山玉」，此匹五班馬出道至今已累積上陣 112次，打破「首騎士」111次上陣最多紀錄，可惜此馬昨日三甲不入。