尚感爆冷唔退役住！

魑魅魍魉

馬會大董之一嘅周永健，呢排嘅頭馬運明顯好轉，先有自己名下隻「偉感」增程跑一哩得手。到咗尋日，周大董有份嘅好意團體嗰隻「尚感」，增程初跑千四，突如其來爆咗28倍冷W，周大董仲話呢場頭馬更加有意義。
       

周永健講番話「尚感」係自己幫好意團體揀返嚟，喺外地試閘嘅走勢唔錯，一心以為可以大展拳腳。點知呢隻馬嚟到香港愈操愈瘦，今鋪得番906磅，一度諗過畀隻馬退役，所以佢都估唔到愛駒今次咁犀利，佢話可能地淋幫到隻馬，但點都好，可以證明自己揀馬眼光唔差，點都好開心。至於「尚感」會唔會照原定計劃退役，周永健話依家就要從長計議嘞。