賠率有路捉：將臣三號信心大

魑魅魍魉

第四場五班泥地一哩，全日最混亂場合，不過噚日早飛大熱唔係「人見人愛」同「搏得過」兩匹有近績嘅馬，亦唔係韋達嘅「驕陽飛駒」，居然係輸怕人嘅「將臣三號」，WP都係大熱，66蚊W，17蚊P，明顯有強大支持。此駒自從08年5月後未有頭馬交出，其間多番成為熱門都冇影，今鋪突然有飛一定有景轟，睇得出有人信心唔細。

    另外，尾場「好醒神」上仗初出已經有好多人品題，只得11倍，最後跑第七輸三馬位，表現及格。噚日早飛15倍W冇特別，不過位置就好硬淨，係十一蚊大熱，似乎有把握今日再出會交出好成績，呢注飛信得過。

    騎師王方面，韋達一手惡馬，若然要追近柏寶，勢必搏命，佢手馬「盈彩繽紛」、「高明威威」、「一路奇兵」、「高歡」同「飛闖」都好惡，十幾蚊冇得拗頸。  

周仲