霍利時贏偉感雙喜臨門

魑魅魍魉

尋日喺頭場開跑前，霍利時先攞咗第八屆最安全及整潔馬房獎，先聲奪人。到第六場，霍廐就靠「偉感」增添頭馬，可算係雙喜臨門，難怪一向較為嚴肅嘅霍利時都笑得咁開心啦！
       

不過，當「偉感」返去凱旋門嗰陣，突然拋跌咗勞愛德，好彩德叔寶刀未老一啲事都冇，賽後連霍利時都話佢係今場嘅贏馬功臣。事關霍利時話原本想呢隻馬繼續跑千四，但係德叔堅持應該跑長少少。結果今鋪增程至一哩真係W咗，大讚鞍上人嘅判斷正確。
       
周大董補影頭馬相

另外，「偉感」前次打開勝門，馬主周永健先生冇入場，今次愛駒再添進帳，周大董終於可以補影番張頭馬相，佢話愛駒今季都搏得幾多，係時候休息等下季再嚟過。