局內人：鄭雨滇睇好豪情拍檔

魑魅魍魉

　　鄭俊偉馬房今日有幾匹實力馬在陣，馬房中人透露第七場「豪情拍檔」（圖）質新當勇，實力未見底，上仗輕易壓倒「納帕二號」取勝，顯露非凡實力，拼後狀態仍在大勇之境，今次乘勇再來，鄭雨滇當然唔肯放手，同場有多駒可供其選擇，他還是揀騎此駒，可知機會如何，馬勇路合，有力爭連捷。

　　第二場「兄弟班」亦是鄭廐摶殺目標，上仗角逐谷中1800米已喊殺連天，可惜後上不及而敗，以半個身位敗於「大將風騷」蹄下，幕後心有不甘，所以不等谷戰，轉到沙田摶殺，馬已試準，長力足夠，加上有輕磅之利，出頭有望。

　　苗禮德馬房今日派出六駒參戰，馬房中人比較睇好「太極至尊」與「虎虎生輝」，兩匹馬都已休息了一段時間，俱已回復佳態，操練工夫做足，有火有力，均有可勝之機。馬房中人又對「虎虎生輝」信心較大，認為其潛力非凡，上仗可以力拼「盈綵繽紛」及「富高勝」而跑第三，足證實力不弱，如果該仗不是走外叠的話，戰果可能改寫，雖然未必可贏「盈綵繽紛」，但有機會追過「富高勝」，今次休息足夠，養足火出擊，跑1200米是其強項，可睇高一線。

　　蔡約翰馬房指出「如願以償」、「威德妙」及「川河勁駒」機會最大，而「好日子」、「越跑越有」、「明燈」及「戰河」則是位材。

梁杰