高清睇跑馬：回鄉精神形勢好

魑魅魍魉

　　今季總場次635四班谷草1650米﹕「回鄉精神」排五檔出閘，起步反應不算快兼有點昂首，要跑過一段途程才能上前並跟守第五、六位﹔到對面直路「回鄉精神」顯得搶口，結果都爾即扣實，轉最後彎時可能都爾不想坐騎過早望空，結果繼續緊扣韁繩，故此落後放頭馬四五個身位。入直路牠一度內閃，都爾順勢走入內檔衝刺，最終大半條直路被「永得勝」頂住去路，而旁邊又有一匹「標青」，「回鄉精神」直至一百米先可望空，結果姍姍來遲不敵全程慳位的「玩具神話」跑第二﹔這次轉排三檔有利，加上有「歡騰」列陣，預計早段步速不會慢，馬群分得散下應更合後勁凌厲的「回鄉精神」發揮。

　　季內總場次639谷草三班1000米﹕「此時此刻」加鼻箍作賽，起步反應一般，鄭雨滇見狀即積極推騎，但騎足二百米仍未能搶出，落後前領的「威威財星」半個身位，並一直居二叠無遮擋﹔然而入直路走勢強勁，過了三百米推騎下即輕鬆彈甩群駒，末段更以收韁姿態贏馬，最吸引是入直路轉腳未有半點拖泥帶水，對比之前可謂進步良多。今晚續配鄭雨滇再跑勝途，排四檔形勢較上仗更有利，力足再添勝仗。

Sam