配合王志偉復出軍旗再充尖刀

魑魅魍魉

隨住幾位師弟好似梁家俊、楊明綸、蘇狄雄及梁家偉相繼冒起，身為師兄而Terry王志偉，今季成績難免受到影響，好彩近期自己大打爭氣波，先後贏出「聚豪精英」、「偉龍」同「軍旗」幾匹冷門，騎番起信心。
  
軍旗上次一出即勝，顯露超凡實力。





大馬主郭浩不嬲撐王志偉，配合騎者今日停賽復出，佢將名下嘅「軍刀」同囡囡郭芹君愛駒「軍旗」交晒畀偉仔，等愛將揮「軍」出擊咁話！而Terry今季贏過六場頭馬，郭浩兩父女就佔咗兩Ｗ，「軍旗」上場在港初出角逐田草1200米，前中段墮後好遠，點知拉士一衝就過晒，擺明係超班貨色，今次升上二班孭輕磅，來港前又贏過1400米，梗係有添食把握喇！
  
郭浩謀父女孖寶


至於第四場嘅「軍刀」，話晒同過六捷明星「勇敢小子」一齊跑入三甲，評分肯定有水位，睇吓Terry可唔可以醒醒定定，停完賽復出即刻幫郭浩包辦一口父女孖寶，報答對方一直以來嘅鼎力支持。