局內人：新領袖趁弗用盡

魑魅魍魉

　　徐雨石馬房有消息傳出，今日將會全力出擊，希望增添頭馬紀錄。徐廐今季已取得廿七場頭馬，成績已算不俗，但徐雨石並未因此而自滿，希望再創佳績，以爭取更多馬主的支持。
　　
　　今次徐廐戰馬當中，機會最大的是第五場「新領袖」（圖），上仗由柏寶取勝，贏來輕易，賽後騎者指其尚有大把在手，希望再戰可以為牠執韁，徐雨石亦認為柏寶發揮得很出色，所以今次決定以原庄配搭上陣，把握機會，趁勇再搏，增添頭馬紀錄，今次又幸運地抽得二檔好位，更為有利，勝後加重八磅，對這匹體重超過千一磅之馬來說，影響不大，今戰對手實力亦未見突出，所以馬房上下十分睇好，認為再勝不難。
　　
　　徐廐另一實力馬，是第三場的「清新空氣」，上仗跑1200 米打開勝利之門，表現非常出色，但馬房中人認為今次跑1000 米直路賽應該更加穩陣，因為牠目前仍是較為新嫩之馬，上仗跑1200 米曾擔心牠未必可以應付，但牠不但氣量充足，且末段有力加速，證明潛質極高，今番再來，縮程跑1000 米更合腳法，取勝把握更大，可作馬膽。

千江映月今次最靚
　　
　　姚本輝馬房則睇好第九場「千江映月」，馬房中人認為牠已步入大熟階段，今季狀態以今次最靚，跑1400 米是其強項，用賴維銘人馬合拍，負磅不重，應有可勝之機，值得追捧。

梁杰