|
|
呢期有兩個新面孔登場，普萊西大家就唔陌生，另一個係方見習生何澤堯，佢兩個夾埋有9隻馬跑，前者今期手馬明顯幾削，反而後者整體坐騎幾得，冇乜邊隻係甩皮甩骨，可唔可以一鳴驚人，未真正睇過佢身手，唔可以下定論，但如果佢外地紙上賽績唔係貨不對辦，就算贏唔到，出道首日即上到名，又唔係冇可能！
質超唔怕蝕位
近排旺門練馬師首推阿摩，連勝9日，4月到依家捧5隻盃，今期又成堆馬出迎，唔慌冇大攻勢；騎師方面，大家講講去都係柏寶，話題仍然係韋達停賽，佢今次又追得幾多W！冇錯，韋達停賽，阿寶係受益者，但那邊廂，潘頓似乎亦撈到油水，事關如果韋達有份出賽，甚麼「好利利」、「歡樂繽紛」等馬，幾時會輪到佢跑，而呢一對蔡馬的確係如日方中，雖然兩駒咁都排12檔，蝕就蝕梗，之但係馬超，根本唔怕檔位形勢，一於整口停賽孖寶玩！
講開潘頓，佢今次坐騎好鬼堅，除了韋達對馬之外，「鳥語花香」、「奇葩」、「勁快」等等，隔夜隻隻有飛，前兩駒仲捧到得十幾廿蚊W咋，講到能力，呢3隻馬亦各有分量，怕且呢日除柏寶有聲氣，潘頓亦唔慌會玩失蹤，咦，佢騎師王開飛有5個開左右，唔係冇得博喎！
亨利 |
|
金睛卡
发表于 2010-5-1 09:37
变色卡
显身卡