金石盟專欄：芙蓉威龍體力充沛

港陌

　　昨晨跳馬絡繹不絕，已報名周末賽事者，有四十多駒提前考驗，見習騎師何澤堯過檔沈廐「利之寶」，鏡頭最矚目。

　　「奇葩」助手試八百米，四蹄盡展，過直路一身是勁，神采飛揚，近況冇得彈。

　　「讚惑」白德民試八百米，助手策「勁多勝」佔先三四乘帶放引導，入直路均加快步伐，外檔的「讚惑」愈衝愈勁，埋門幾步以頭位壓住廐侶過終點，收身上力，腳法引人，絕非善男信女。

　　「芙蓉威龍」柏寶試八百米，走勢靈巧，體力猶充沛，健康穩定，狀態起得恰好。

　　「好利利」蔡約翰試四百米，閒庭信步，姿態從容，步伐雄健，近況有進冇退。

好友福氣勢盛

　　「好友福」勞愛德試八百米，自動加速，衝刺凌厲，氣勢更盛，予人印象殊佳。

　　「開心自在」柏寶試八百米，腳法嫻熟，上勁起力，精神爽利，愈磨愈利。

　　「進勝福星」蔡約翰試四百米，體健神清，過終點續勢猶強，未見低落。

　　「特色咖啡」勞愛德試八百米，翻步矯捷，肌肉現線條，成熟與狀態俱邁進一步。

　　「利之寶」何澤堯試八百米，鄭雨滇策「好歡騰」相伴，直路上並駕齊驅，叮噹馬頭而回，外檔的「利之寶」腳頭硬朗，勁力均勻，堪稱老而彌堅。

　　「幸運愛駒」助手試八百米，走來快慢由人，神清步爽，體力已復，狀態勇進。

　　「沙貝利」蔡約翰試四百米，漫步走返，動作靈巧，朝氣勃勃，絲毫未見疲態。

　　「獵豹小子」蔡明紹試四百米，馬性乖巧，翻步暢順有力，進度理想，續有進步。

　　「歡樂繽紛」蔡約翰試八百米，身壯力強，蹄姿輕快，觀感殊佳。