|
|
韋達近期的確重現贏馬機器該有嘅風範，4月有4期，一日贏3W，好似簽咗合同咁，其實再之前佢亦成日單日贏2 至4 場W，呢輪可以話着晒火，不過跑埋呢次佢就停賽4期，到時會唔會畀柏寶又放番甩？真係要睇吓佢嘅造化！就好似今期咁，阿寶刑滿復出，大家都係騎足10 場，亦有唔少熱到辣手又有實力嘅坐騎，算係咁高咁大。
冇錯，韋達由當初被拋甩，到目前掉番轉贏緊阿寶3場頭馬，追趕嘅過程唔簡單，此際佢在陣上亦有番晒冠軍騎師功架及運氣，但之前點勁點追已經係過去式，尤其睇睇呢期佢有部分熱門，係嗰類熱得嚟唔算穩陣嘅馬，所以，今日韋達嘅馬要小心處理，未必又會似之前咁，係咁意就贏三幾場。
有實力兼有肉食
既然覺得韋達有啲馬危危哋，都係掉轉槍頭捧柏寶。講真，今日佢有啲坐騎實力幾好，但可能韋達聲勢勁過籠，令到阿寶明明有啲馬本應幾惹飛，但隔夜賠率比預期好分咗，如「壽比南山」、「傳奇快車」等，已經有啲肉食，仲有「蜚聲」及「綠色駿駒」，又係有實力而唔算冇值博率嗰類馬。再數落去，「星運伯爵」啱啱至入Q，另外，「君子一言」和「首飾奇寶」，唔係冇能力，而上賽追得又好，但賠率就半冷甚至廿幾倍，呢3 件如果入到三甲，位置已經幾好水啦！
亨利 |
|
金睛卡
发表于 2010-4-25 12:14
变色卡
显身卡