朝早有動靜：姚廐砌化工之昇

魑魅魍魉

　　昨晨周三課期，場面一般，卓利、白德民大師傅到場課馬，算是較積極騎師﹔練馬師方面，姚本輝一向勤於倉務，昨朝他亦一早到場打點一切，備戰十分緊張。當中「化工之昇」由黎海榮策騎往跑道跳一段，騎者先策騎往機坪踱步熱身，踱步期間，只見練者相當重視，全程投入睇實，鏡頭有瞄頭。此駒復課後，操練未見放鬆，拍跳快工夫做到足，今勻跑強項谷中1200米，有決心爭勝。

　　另外，卓利今季來港搵食，雖然未有預期般受歡迎，但其表現亦屬實而不華。昨朝他到場候命操馬，其中伍碧權馬房之「威力高」，交由他策騎往內圈踱步，沿途騎師落足心機，聚精會神替馬兒完成出踱過程，動向積極，似有出擊搏殺圖謀。

　　「威力高」已報名周日谷草三班1650米，仲出王牌上陣。這匹四歲愛爾蘭自購馬季內已跑了九場賽事，雖然悉數三甲不入，但最近表現愈來愈接近，昨朝這匹灰馬仔走來步大有力，馬身靚，毛水有光澤，落腳輕盈有彈力，勇態已露，明顯在作戰佳態，質新未見底，加上馬房團體馬仍未交代，今次出王牌，宜盯緊。

韋柏