朝早有動靜：告達理夠勤力

魑魅魍魉

　　昨晨周二課期，場面相當熱鬧，多位大師傅先後到場課馬，包括勞愛德、潘頓、卓利及白德民等，而柏寶雖仍在停賽期間，但亦見馬不停蹄穿梭多個馬房試馬，動態積極，似乎已為復出作好準備。

　　練馬師方面，則以告達理、呂健威及霍利時備戰最為認真，其中前者上周三憑「康樂名駒」取得季內第十二W後，尚餘一場頭馬便可畢業，昨朝更見他不停行出行入，且落力砥礪旗下馬匹，應有搏殺圖謀。

　　其中報爭四班1650米的「靚到爆」，昨朝由告達理親自上馬扣實試兩段，馬仔走來昂首闊步，火氣旺盛，馬身養壯，落腳輕盈力度充沛，有濃厚角逐意欲。此駒轉投告廐以來勤磨猛練，已有作戰佳態，昨朝跳罷練者更情不自禁輕拍馬頸，似甚滿意馬匹進展。翻查紀錄，「靚到爆」季內在谷中場地作賽多次，未試過輸給頭馬逾三個馬位，屬演出準繩之輩，今次續跑谷草1650米宜加盯緊。

　　至於方嘉柏馬房的「智友」，昨朝則由在白德民胯下試泥閘，過往馬房較少作同類部署，睇動態應該有計。此駒在騎者跨下沿途輕扣韁繩，轉彎入直路移出中檔，馬兒自動增速上前，反應良好，狀態較上仗前更進一步。這匹三歲馬在四班先後已獲得兩場頭馬，今次仍留在此班上陣，佔有一定便宜，試準上陣可予重視。

韋柏