金石盟專欄：勁擊墜手好火

纯情小彩迷

　　昨晨最後試跑，早段跳馬疏落，六時後各外籍騎師陸續到場，場面才稍為熱鬧，草地千八米開放供馬匹試跑或彈閘，惟只四匹有賽程馬參與。

　　「勁擊」助手試四百米，拉到口擘擘，出腳有力，饒富火氣，狀態起得恰好。

　　「鵬力洋洋」韋達試八百米，四蹄揮灑自如，彈力十足，成熟程度與日俱增，狀態有進冇退。

　　「包裝好友」韋達試八百米，黎海榮策「盈駿寶」佔先大半個馬位帶放引導，轉入直路並駕齊驅，外檔的「包裝好友」由於被拉實，故未能勝出，走勢矯健，情緒集中，佳態洋溢。

　　「幸福紅椒」柏寶試八百米，步伐整齊有力，神生火旺，馬身紮實，新勝猶勇。

　　「勝在分秒」王志偉試八百米，動作靈活，精神爽利，連拼未疲，一切對辦。

　　「富高盈」勞愛德試八百米，全程搶住走，惟受到大力約束，腳勁增強，好過上賽。

　　「電訊巨星」副練試四百米，翻步暢順，馬身飽滿紮實，毛色隱隱透光澤，日益成熟。

　　「朝東飛駒」助手試八百米，入直路加快腳步，衝刺挺勁，生氣勃勃，頹氣漸消。

　　「金大人」黎海榮試四百米，神清步爽，肌肉結實，操養有一手，長期呈勇。

　　「颯若風」副練試八百米，出腳挺勁，快慢由人，神態亦好，予人印象不差。

　　「吉祥寶駒」黎海榮試八百米，走勢四平八穩，但總嫌欠點銳氣，起而未足。

　　「朝東之星」副練試八百米，落腳輕快，走來似模似樣，餘勢稍增，有點起色。

　　「永利多」白德民在草地試八百米，出腳急勁，火氣充裕，體格結實，大致保持。

　　「聚好盈」薛寶力在草地試八百米，末段認真考驗，雖有加快步伐，惟走來有點吃力，進度似是而非，上賽水準。