新主場揭幕！畢爾包開W攞威

猪拉多纳

畢爾包今晚上演「新主場揭幕戰」，喺西甲迎戰切爾達！「巴斯克雄獅」表現回勇，今晚肯定會喺新聖馬美斯球場首戰做番齣好戲，讓半一當然捧1.82倍上盤啦！

（開賽時間：周二凌晨4:00）
切爾達開咧3戰都有失波

新球場開幕，對於出名死忠嘅畢爾包球迷嚟講，當然係超級盛事，睇吓「雄獅」上周五首度喺新主場作公開操練，吸引到過萬名球迷入場就知啦！畢爾包經歷上季低潮後，今季換上新帥領軍，聯賽首兩戰都贏波，上仗就算輸畀實力高幾班嘅皇馬，仍然爭取到入球，鬥心明顯比上季好得多，除咗迪馬高斯同蒙尼恩保持好表現，走唔成嘅安達靴里拉亦都講明會專心為「雄獅」搏殺，鬥志爆晒燈。

上季要護級嘅切爾達喺首3場聯賽保持不敗，的確令人意外，不過要留意嘅係佢哋呢3場嘅對手只係愛斯賓奴、CF格蘭納達同放走咗唔少主力嘅貝迪斯，實力唔強，何況切爾達3場都有失波，證明防線唔穩陣，作客氣勢正盛嘅畢爾包，怕且要輸波喇。