|
|
莊家開盤會受好多因素影響，其中一樣係名氣。睇番英超，利物浦近年雖然冇腳好波，勝率又唔突出，不過因為個名大，所以對親中下游球隊都會讓多咗，周時出現唔合理盤口，睇通睇透嘅朋友，相信已搵到唔少着數。
講到荷蘭波，你會諗起邊隊？梗係阿積士、燕豪芬、飛燕諾啦，唔少散戶一見到呢3支名牌就闔埋眼買佢哋贏，有咁嘅趨勢，相關勁旅個W肯定冇肉食。去到荷乙，好多人唔知阿積士青年隊實際上係乜頭乜路，就認定佢哋係勁旅，故此相當聚飛。
今輪阿積士青年隊主場對威廉二世，客W竟被壓低到1.78倍，主W高開到3.4倍，一睇就知對「阿青」冇信心。睇番個績，威廉二世作客不嬲唔掂，今季3場客戰輸2場，但客W一樣熱透，信莊家捧客勝。
（周日晚8時30分開賽） |
|
金睛卡
发表于 2013-9-15 10:32
变色卡
显身卡