|
|
射手啞火3仗入得1粒
經過連日來的世界盃外圍賽後，今日焦點再次集中番各地聯賽度，其中德乙阿倫主場對1860慕尼黑值得留意，雖然後者名氣稍大，但射手拿奧夫近期演出啞火，表現飄忽不定，就算受讓平半都咪掂，阿King寧願捧番阿倫上盤。
（有線64及203台周六凌晨零時30分直播）
同市宿敵拜仁慕尼黑上季呼風喚雨，1860慕尼黑簡直係蚊髀同牛髀，近年只能喺乙組浮浮沉沉，曾經同古蘭爾齊名、被視為德國鋒線新希望的拿奧夫，唔經唔覺都三十有二，但總算喺1860慕尼黑站穩陣腳，不過佢近期冇貨交，導致球隊進攻雜亂無章，猶如癱瘓，近三場入得一粒咁大把，仲要係對方的烏龍波，認真唔掂。雖然阿倫只係中游分子，但喺自己地頭出戰不乏佳作，曾經豪贈排第四嘅凱沙羅頓四蛋，證明佢哋已經重上正軌，走出開咧時的低谷，今返主場火併第六位嘅1860慕尼黑要讓波，擺明有計，一於捧上盤。
多德勒支連捷再追
至於荷乙榜首多德勒支連戰連捷，氣勢如虹，最重要係該隊進攻點分布甚廣，令對手防不勝防，今仗作客防線穿晒窿嘅靴蒙特，可乘勢再下一城，客勝有2.35倍分頭非常抵玩。（周六凌晨2時開賽）最後阿甲首貝格拉諾主場迎戰沙士菲，前者於南球盃被沙士菲淘汰後逐漸回勇，況且沙士菲仍有南球盃後顧，今仗隨時留力，貝格拉諾可望報番一箭之仇，平手盤梗係撐貝軍喇。（周六早上7時15分開賽） |
|
金睛卡
发表于 2013-9-13 08:48
变色卡
显身卡
楼主