西甲超早場 C朗做主角

猪拉多纳

皇馬「大」戰畢爾包

今日傍晚會上演西甲今季首場超早場賽事，由皇家馬德里主場迎戰畢爾包！「銀河艦隊」王牌C朗為咗一吐失落歐洲足球先生嘅烏氣，一定踢得勁搏命，有一定質素嘅畢爾包亦有能力取得入球，兩軍極有可能延續近5次喺巴拿貝對賽至少入5粒嘅走勢，入球中位數開到3.5，照捧1.72倍入球大啦！

（now632台周日晚6:00直播）
「新萬人迷」6鬥畢爾包入9球

「銀河艦隊」喺開咧首兩戰只係入咗3球，不過小妹絕對有理由相信，佢哋今晚返到主場會大爆發！首先C朗失落歐洲足球先生獎谷埋成肚火，索性連頒獎禮都唔去，今場仲唔拎「包包」出氣咩？咪忘記佢近6次對畢爾包勁入9球，可以話係「巴斯克雄獅」嘅剋星，加埋伊拿拉文迪要趁沙比阿朗素有傷爭上位，迪馬利亞為留隊為睇辦都要交貨，唔夾手夾腳數多對手幾粒就奇啦！

雖然畢爾包對親皇馬都冇好結果，但值得留意嘅，係佢哋近6次造訪巴拿貝連續5場有波入，雖然佢哋冇咗洛蘭迪呢位射手，但迪馬高斯同蒙尼恩等後生仔一樣有貨交，仲有件盛傳畀曼聯睇中嘅安達靴里拉都想騷哥利，博「紅魔鬼」收購，今鋪幾大都同「銀河艦隊」鬥攻，咁嘅環境，一於玩「大」佢啦！