路華高域復出救松鼠

猪拉多纳

日職球隊大宮松鼠經歷五連敗，更鬧出將帥不和負面消息，主帥維迪尼克最終落鑊，暫由球會經理岡本武行頂檔領軍。松鼠深陷危機，王牌前鋒路華高域傷愈復操，今輪作客鳥棲砂岩將成救世主，客軍小讓平半要上盤！

（有線18台周六晚6時直播）

平定內亂狂轟砂岩
大宮松鼠季初踢到曉飛，曾經造出跨季21場聯賽不敗佳績創下日職紀錄，一度霸住日職榜首位置。不過，自從星級射手路華高域於上月受傷後，佢哋連輸5場跌至第4，隊內氣氛勁差，有指將帥關係極曳，球會日前決定辭退教頭維迪尼克，希望平定內亂。

松鼠處於全季最關鍵時刻，呢個時候斯洛文尼亞球星路華高域終於復操，呢個老大哥向傳媒表示：「過去嘅事唔好咁諗多，我哋要為未來而戰，一定要做到最好！」路華高域今場有望再次與同鄉隆比真歷拍住上，呢對進攻組合無堅不摧，鳥棲砂岩勢成炮灰。