格雷特霍夫惡客碌卡

猪拉多纳

踢德乙實力超晒班
今季德乙開鑼後，有兩大「寶藏」浮出水面，分別係格雷特霍夫及比勒費爾德。格雷特霍夫由德甲降落來乙組，水準有超班之感，等閒之輩難同佢哋抗衡，今仗作客卡爾斯魯厄又係數胡時候，莊家開出平手盤，客軍夠晒抵玩。 至於比勒費爾德憑一股升班馬銳氣愈戰愈勇，季初仲有得威，主場贏到柏達邦。

格雷特霍夫能夠成為唯一一支3戰全勝球隊，好大程度上係因為留得住迪祖迪積等主力，新兵蘇卡奴及梅連斯基表現亦對辦，兩人上仗各建一功，協助球隊反勝凱沙羅頓，格軍能夠高居榜首，絕對實至名歸。格雷特霍夫目標好清晰，就係重返德甲，唔會放過任何搶分機會。

升班馬卡爾斯魯厄表面上係「二哥」，但要留意3場對手FSV法蘭克福、聖保利同恩高斯達特均屬平庸之輩，卡軍根本未受過真正考驗。同埋佢哋之前一直踢順境波，若然今仗先失波隨時陣腳大亂，點都係級數佔優嘅格雷特霍夫秤先。（有線64及203台周六凌晨零時30分直播）

比勒費爾德當頭起要捧

另一支新升班球隊比勒費爾德自首仗不敵格雷特霍夫後愈戰愈勇，仲喺德國盃爆冷擊敗德甲布倫瑞克，上仗聯賽再靠博到12碼全取3分，連運都贏埋，難怪已獲莊家睇好，今仗小讓平半，寧捧當頭起，博上盤！（周六凌晨零時30分直播）