帕拉尼恩斯猛火不「聖」無歸

猪拉多纳

聽朝巴甲有聖保羅主場迎戰帕拉尼恩斯，雖然主隊係傳統勁旅，但今季戰績差強人意，已經「穩守」降班區一段時間，加上今場有多位後防大將缺陣，對住近況弗爆兼火力強勁嘅帕拉尼恩斯，相信又係失分收場，一於捧1.93倍「讓客」啦！

（開賽時間：周五早上6:30）

聖保羅目前正陷入空前危機，佢哋雖然擁有路爾斯法比安奴同埋甘素呢啲國腳級球星，但開季至今只得首兩場聯賽贏過，之後嘅10場僅得3和7負，家陣成為榜尾分子，仲衰到表演賽對鹿島鹿角都要輸波，連中場法比斯奧都直指戰績「羞家」，仲承認極有可能要降班添，難怪有巴甲球迷特登整咗個「聖保羅降班倒數網」嚟「賀一賀」佢啦！

聖保羅4防守主將倦勤
更大鑊嘅係，聖保羅呢支哀兵今仗唔止右閘杜格拉斯彭利拿坐波監，中堅艾臣荷西、保羅米蘭達同防中丹尼遜都倦勤，成條防線甩皮甩骨，今仗撞正近6戰獲5勝嘅帕拉尼恩斯，對方件射手艾達臣近4場入3球Fit到爆，執番1分都要偷笑喇。